ხალკიდიკი: ექიმმა 8 წლის ბიჭი სიკვდილს გამოაცალა ხელიდან
ხალკიდიკი: ექიმმა 8 წლის ბიჭი სიკვდილს გამოაცალა ხელიდან
ბედნიერი დასასრული ჰქონდა 8 წლის ბიჭის ისტორიას, რომელიც ფურკას სანაპიროზე ლამის დაიხრჩო.
განგაშის ზარი ორშაბათს ღამით დაირეკა, როცა მამამ მისი 8 წლის შვილი ზღვაში უგონო მდგომარეობაში დაინახა. შეშინებულმა მამამ გონებადაკარგული შვილი ნაპირზე გამოიყვანა. საბედნიეროდ იქვე იმყოფებოდა ექიმი, რომელმაც ბავშვს პირველადი სამედიცინო დამხარება გაუწია, მაშველებმა დაუყოვნებლივ მოიტანეს ჟანგბადი და დეფიბრილატორი. სწორედ მყისიერი რეაგირების შედეგად მოხდა ბიჭის გადარჩენა სასწრაფო დახმარების ბრიგადის ადგილზე მისვლამდე.
სასწრაფო დახმარების ბრიგადამ ბიჭუნა ჯერ კასანდრას კლინიკაში, ხოლო შემდეგ კი საავადმყოფოში გადაიყვანა.
“ასეთ დროს პირველი რამდენიმე წუთია გადამწყვეტი.” – განაცხადა მაშველმა.
Facebook Comments Box
