ხანია: ავტოსაგზაო შემთხვევამ 3 ადამიანის სიცოცხლე იმსხვერპლა
ხანია: ავტოსაგზაო შემთხვევამ 3 ადამიანის სიცოცხლე იმსხვერპლა
შაბათს დილით, 17 აგვისტოს, კუნძულ კრეტაზე ღალატას ავტომანქანა შეეჯახა ტურისტებით სავსე მიკრო-ავტობუსს. ავტომანქანით 4 საბერძნეთის მოქალაქე გადაადგილდებოდა, რომელთა გადმოსაყვანადაც სამაშველო ბრიგადის დახმარება გახდა საჭირო.
Cretalive-ის მიერ გავრცელებული ინფორმაციის თანახმად მანქანიდან 2 მგზავრი უგონო მდგომარეობაში გადმოიყვანეს, ხოლო დანარჩენი ორი მგზავრიდან, კი რომლებიც სხეულის მძიმე დაზიანებებით გადაიყვანეს საავადმყოფოში, ერთ-ერთი საავადმყოფოში მიყვანისთანავე გარდაიცვალა, ხოლო მეორე კი ამ დრომდე რეანიმაციაში, ხელოვნური სუნთქვის აპარატზეა შეერთებული.
რაც შეეხება მიკრო-ავტობუსის მგზავრებს არც ერთი მათგანი არ დაშავებულა მძიმედ. ტურისტებს აღენიშნებათ სხეულის მსუბუქი დაზიანებები და ჩალურჯებები.
ავტოსაგზაო შემთხვევის გამომწვევი მიზეზი ამ დრომდე უცნობია. ამ დრომდე გავრცელებული ინფორმაციის თანახმად ავტომანქანის მძღოლმა საჭეზე კონტროლი დაკარგა, გზის საპირისპირო ნაკადში გადავარდა და მისკენ მომავალ ტურისტულ მიკრო-ავტობუსს შეეჯახა.
