ხანია: ღამის კლუბის წინ ახალგაზრდა დანით დაჭრეს
ხანია: ღამის კლუბის წინ ახალგაზრდა დანით დაჭრეს
ახალწელს გამთენიისას ახალგაზრდებს შორის ატეხილი ჩხუბის შედეგად ერთ-ერთი მათგანი მძიმედ დაშავდა.
flashnews.gr-ის მიერ გავრცელებული ინფორმაციის თანახმად ჩხუბი ბიზნეს პარტნიორებს შორის გაურკვეველი მიზეზის გამო მოულოდნელად დაიწყო. ღამის კლუბის თანამშრომლებმა ახალგაზრდების გაშველება სცადეს, თუმცა წარუმატებელი მცდელობის შემდეგ ორივე გარეთ გააძევეს.
აღნიშნული შემთხვევიდან რამდენიმე საათის შემდეგ, დაახლოვებით გამთენიის 06:00 საათისკენ ჩხუბი მეორედ, უკვე ღამის კლუბის წინ ატყდა. ჩხუბის დროს 26 წლის ჩხუბის მონაწილემ ამოიღო დანა და 32 წლის ბიჭი დაჭრა.
პოლიციამ უკვე დააკავა 26 წლის დამნაშავე, ხოლო დაშავებული სასწრაფო დახმარების ბრიგადამ საავადმყოფოში გადაიყვანა. გავრცელებული ინფორმაციის თანახმად დაშავებულს ჭრილობა მუცლის არეში აქვს მიყენებული.
