ხანია: 73 წლის მძღოლი, რომლის დაუდევრობამაც 76 წლის კაცის სიცოცხლე იმსხვერპლა, დააკავეს
ხანია: 73 წლის მძღოლი, რომლის დაუდევრობამაც 76 წლის კაცის სიცოცხლე იმსხვერპლა, დააკავეს
შაბათს, 29 მარტს ხანია-კისამუს ეროვნულ გზატკეცილზე მომხდარი ავტოსაგზაო შემთხვევის შედეგად 76 წლის მძღოლი სასიკვდილოდ დაშავდა.
ავტომანქანა, რომელსაც 76 წლის კაცი მართავდა, 73 წლის კაცის მანქანას შეეჯახა. შეჯახების შედეგად 76 წლის კაცი მძიმედ დაშავდა, ხოლო მეორე ავტომანქანის მძღოლი, იმის ნაცვლად რომ მანქანა გაეჩერებინა და დაშავებულისთვის დახმარება აღმოეჩინა ან დასახმარებლად სასწრაფო დახმარების ბრიგადა გამოეძახებინა, სიჩქარეს უმატა და ადგილიდან მიიმალა.
ადგილზე მისულმა საგზაო პოლიციამ და სასწრაფო დახმარების ბრიგადამ 76 წლის კაცი უკვე უგონო მდგომარეობაში იპოვეს. მისთვის ყველანაირი სამედიცინო დახმარების გაწევა უკვე დაგვიანებული იყო.
სამართალდამცავმა ორგანოებმა საჭირო საგამოძიებო მოქმედებების შედეგად მალევე მოახდინეს 73 წლის მძღოლის ვინაობის დადგენა და დააკავეს.
