ხანძარი: სქელმა კვამლმა აკროპოლი დაფარა-კვამლის სუნი ასდის მთელ ათენს

პარნითას მთის ძირში ცეცხლოვანი ფრონტიდან კვამლის სუნი მთელ ათენს მოედო. გაჩენილი ხანძრის კვამლმა ათენის ცა მთლიანად დაფარა.

წვის სუნი ფალირომდეც მივიდა, დღის პირველივე შუქზე კი ხილული გახდა, რომ ცას კვამლის ფარდა დაეფარა.

ტიტანური ხანძარსაწინააღმდეგო ბრძოლა დღეს პარნითას მთის ფრონტზე გაგრძელდება, ხოლო ალექსანდრუპოლში, როდოპსა და კავალაში ცეცხლოვანი კოშმარი მეხუთე დღეა გრძელდება.

ატიკაში ღამე ძალიან რთული იყო, სახანძრო ბრიგადა დიდ ბრძოლას აწარმოებდა, რათა პარნითას მთის კიდეებამდე მისული ცეცხლი არ გავრცელებულიყო.

ღამის განმავლობაში გაძლიერებული მეხანძრეების  რაზმი  გადავიდა აღმოსავლეთით, პარნითას კაზინოს მიმართულებით, რათა თავიდან აიცილონ ცეცხლი ეროვნული პარკის ცენტრში.

ამ დრომდე ცეცხლი პარნითას მთის ძირს წვავს  და აღმოსავლეთისკენ მიემართება.