ხვალიდან მოსწავლეები სასწავლო ოთახებს დაუბრუნდებიან
ხვალიდან მოსწავლეები სასწავლო ოთახებს დაუბრუნდებიან
სანამ სკოლებში პირველი ზარი დაირეკება, მშობლები ცდილობენ შვილები მოამარაგონ ახალი სასწავლო წლისთვის საჭირო ნივთებით, რაც არც თუ ისე მცირე ხარჯებთან არის დაკავშირებული.
“სკოლაში დაბრუნება სამმაგ მომზადებას მოითხოვს: პრაქტიკულს, ფსიქოლოგიურს და ემოციურს. ხშირად ბავშვები მშობლების ემოციებს ირეკლავენ, რაც ნიშნავს იმას, რომ თუ მშობელი პოზიტიურად ხვდება სასწავლო წლის დასაწყის მათი შვილები თავს დაცულად და მშვიდად იგრძნობენ და სასწავლო პროცესს შემართებით შეუდგებიან.” – აცხადებს ფსიქოლოგი.
მოდით ერთად გადავხედოთ შემზადების პრაქტიკულ ნაწილს და ვნახოთ, თუ რა ღირს სასწავლო ნივთები წელს:
ტელემაუწყებელი MEGA-ს მიერ გავრცელებული ინფორმაციის თანახმად ფასები სტაბილური რჩება:
ზურგჩანთის ღირებულება 25-დან 75 ევრომდე მერყეობს,
პენალი – 12-დან 18 ევრომდე,
რვეულები – 8-დან 12 ევრომდე,
ხოლო ხელოვნების რვეულები და ფანქრები 2-დან 4 ევრომდე.
ძირითადი სასკოლო ნივთების სრული ღირებულება კი 45-დან 257 ევრომდე მერყეობს იმის გათვალისწინებით თუ როგორი ხარისხის და რა ბრენდის მასალას ეძებს მშობელი და მოსწავლე.
ხშირ შემთხვევაში სრული სასკოლო კალათი 80-120 ევროს ღირებულებისაა, ხოლო მრავალშვილიანი ოჯახებისთვის კი 300 ევროსაც კი აჭარბებს.
შეგახსენებთ, რომ 2025 წლის სასწავლო პროცესი ხუთშაბათს, 11 სექტემბერს იწყება.
