1აპრილი- რატომ ვიტყუებით ამ დღეს
საპირველაპრილო ხუმრობა, როგორც განმარტავენ, სათავეს ძველი დროიდან იღებს.
აპრილის თვე ბუნების გამოღვიძების თვეა, როდესაც უკვე თვალშისაცემია გაზაფხულის დადგომა.
თავდაპირველად აპრილი ათთვიანი რომაული კალენდრის მეორე თვე იყო, რომელსაც ერქვა Aprilis.
ეს სახელი ნაწარმოები იყო ლათინური ზმნიდან Aperire, რაც გახსნას, გაღებას ნიშნავს და უკავშირდებოდა აპრილის თვეში ყვავილების გაშლას.
ყოველწლიური საპირველაპრილო ტყუილის ჩვეულებას, როგორც ფოლკლორისტები განმარტავენ, ფესვები დასავლეთში აქვს.
გადმოცემის თანახმად ძველი კელტები აპრილის დასაწყისიდან იწყებდნენ სათევზაოდ გასვლას და რადგანაც ამ დროს ჯერ კიდევ ვერ ახერხებდნენ თევზის დაჭერას ბუნებრივი პირობების გამო, იგონებდნენ ათასგვარ ტყუილს.
არსებობს მეორე გადმოცემაც- 1560 წლის შემდეგ მეფე ჩარლზ მეცხრემ წლის დასაწყისი აპრილიდან იანვარში გადაიტანა და ახალ წელს უკვე იანვრიდან აღნიშნავდნენ, მაგრამ ადამიანების უმეტესობა ახალ წელს ისევ აპრილში ზეიმობდა, რის გამოც მათ დასცინოდნენ.
საბერძნეთში ეს ჩვეულება შემორჩენილია ჯვაროსნული ლაშქრობების დროიდან.
ბერძნების აზრით, ამ დღეს ტყუილის თქმას აპოკალიფსური ხასიათი ჰქონდა. მათ მტკიცედ სჯეროდათ, რომ საპირველაპრილო ხუმრობა ბოროტ ძალებს განდევნიდა.
ბევრს დღესაც სჯერა რომ ვინც ამ დღეს წარმატებით იხუმრებს და მეტ ადამიანს მოატყუებს, მას მთელი წლის განმავლობაში გაუმართლებს.
პირველი აპრილი საყვარელი დღეა განსაკუთრებით ბავშვებისათვის.
რადგან მათ შეუძლიათ ამ დღეს ეხუმრონ ყველას, მათ შორის უფროსებსაც და ამისათვის არავინ “დაისჯება”.
