Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიბუნებრივი მოვლენები

15 აგვისტოს საბერძნეთის რეგიონებში ხანძრის გაჩენის მაღალი რისკია – გამოცხადდა წითელი კოდი

15 აგვისტოს საბერძნეთის რეგიონებში ხანძრის გაჩენის მაღალი რისკია – გამოცხადდა წითელი კოდი

საბერძნეთში, 15 აგვისტოს, ძლიერი ქარის გამო ტყის ხანძრების გაჩენისა და გავრცელების საფრთხე მნიშვნელოვნად გაიზრდება. სამოქალაქო დაცვის სამსახურმა რამდენიმე რეგიონში Red Code, ანუ უმაღლესი მზადყოფნის რეჟიმი გამოაცხადა.

განსაკუთრებული ყურადღება ექცევა ატიკის რეგიონს, კუნძული კითირას ჩათვლით, ასევე პელოპონისის რეგიონში მდებარე კორინთიის, არღოლიდასა და ლაკონიის ოლქებს.

მაღალი მზადყოფნის რეჟიმში იქნება დასავლეთ საბერძნეთის ახაიისა და ილიას რეგიონები, ცენტრალური საბერძნეთის ვიოტიის, ფთიოტიდისა და ევიას ოლქები, მათ შორის სკიროსის კუნძული, ასევე თესალიის სპორადების რეგიონი.

Red Code ასევე გავრცელდება ჩრდილოეთ ეგეოსის, სამხრეთ ეგეოსისა და კრეტის რეგიონებზე. ცენტრალურ მაკედონიაში განსაკუთრებული მზადყოფნა გამოცხადებულია ხალკიდიკისა და ათონის მთის ტერიტორიებზე.

აღმოსავლეთ მაკედონიასა და თრაკიში მაღალი ხანძარსაშიშროების ზონაში შედის კავალა, თასოსი, ქსანთი, როდოპი და ევროსი, მათ შორის სამოთრაკის კუნძული.

სამოქალაქო დაცვის სამსახურის ინფორმაციით, აღნიშნულ ტერიტორიებზე ხანძრის საშიშროება შეფასებულია მე-4 კატეგორიად, ძალიან მაღალ საფრთხედ.

Red Code-ის რეჟიმი გულისხმობს სახელმწიფო მექანიზმების სრულ მობილიზებას, დამატებითი ადამიანური რესურსის, ტექნიკისა და საჭირო საშუალებების მზადყოფნაში მოყვანას. პარალელურად, ადგილობრივ მუნიციპალიტეტებსა და რეგიონულ ხელისუფლებას დაევალა საგანგებო საკოორდინაციო ორგანოების დაუყოვნებლივ შეკრება და ტყის ხანძრების პრევენციისა და შესაძლო შედეგების მართვისთვის საჭირო ზომების მიღება.

ხელისუფლება მოქალაქეებს მოუწოდებს, 15 აგვისტოს განსაკუთრებით ფრთხილად იყვნენ და მოერიდონ ისეთ ქმედებებს, რომლებმაც შესაძლოა ხანძრის გაჩენა გამოიწვიოს. ძლიერი ქარის პირობებში ცეცხლი შესაძლოა ძალიან სწრაფად გავრცელდეს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *