18 წლის ბიჭის მამის გულისამაჩუყებელი გამოსამშვიდობებელი წერილი
18 წლის ბიჭის მამის გულისამაჩუყებელი გამოსამშვიდობებელი წერილი
ტრაგედია დატრიალდა ბერძენი ემიგრანტების ოჯახში, რომელიც ბოლო რამდენიმე წელია ბრაზილიაში ცხოვრობს.
18 წლის თოდორის კატავენოსი სან-პაულოში მდებარე ერთ-ერთ რესტორანში მუშაობდა, როცა შენობაში მძარცველები შეიჭრდნენ. ახალგაზრდას სიცოცხლე მძარცველების მიერ გახსნილმა ცეცხლმა იმსხვერპლა.
გარდაცვლილი კუნძულ როდოსზე, ფსინთოსში დაიბადა და გაიზარდა. მამამისი საბერძეთში ცხოვრების პერიოდში სასწრაფო დახმარების ბრიგადაში მუშაობდა. ბრაზილიაში გადასვლის გადაწყვეტილება თოდორის დედის გამო მიიღეს, რომელიც წარმოშობით ლათინოამერიკელია.
rodiaki.gr – ის მიერ გავრცელებული ინფორმაციის თანახმად ახალგაზრდა როდოსზე დაბრუნებას აპირებდა. მისი მიზნები ბაბუას გაანდო და გააცნო გეგმაც, რომლის მიხედვითაც შეძლებდა კუნძულზე დარჩენილი ცხოვრების გატარებას.
“ენით აღუწერელია ტკივილი. ტკივილი, რომელიც შენმა დაკარგვამ მომაყენა ასეთ პატარა ასაკში! დაუჯერებელია! მიყვარხარ ჩემო ბიჭო!” – წერს გარდაცვლილის მამა სოც.ქსელში.
