18 წლის შვედეთის მოქალაქეს სასმელში ნარკოტიკული ნივთიერება გაურიეს და გააუპატიურეს
18 წლის შვედეთის მოქალაქეს სასმელში ნარკოტიკული ნივთიერება გაურიეს და გააუპატიურეს
კუნძულ როდოსზე დასასვენებლად ჩასული 18 წლის შვედეთის მოქალაქე პოლიციის განყოფილებაში საშნელ მდგომარეობაში მივიდა, რათა საჩივარი შეეტანა მისი თანამემამულის წინააღმდეგ, რომელმაც სექსუალური კავშირი დაამყარა მასთან მისი ნებართვის გარეშე. გოგონა აცხადებს, რომ არაფერი არ ახსოვს და ეჭვი აქვს, რომ მომხდარის დროს იმყოფებოდა ნარკოტიკული ნივთიერების ზემოქმედების ქვეშ.
ჩვენებაში 18 წლის გოგონამ განაცხადა რომ გასულ პარასკევს დილის 07:00 საათამდე დიდი რაოდენობით ალკოჰოლი მიიღო როდოსის ერთ-ერთ ბარში მის თანამემამულესთან ერთად, თუმცა მას ასევე ეჭვი აქვს, რომ ბრალდებულმა ჭიქაში რაღაც ჩაუყარა, რის შედეგადაც გონება დაკარგა. გოგონა გონს 30 წლის ბიჭის ოთახში მოვიდა, მას არაფერი ახსოვდა და ჩათვალა, რომ ბრალდებულმა მასთან ნებართვის გარეშე დაამყარა სექსუალური კავშირი.
პოლიციამ ბრალდებული შაბათს დილით დააკავა. დაკავებული უარყოფს ყველა ბრალდებას.
18 წლის გოგონას ჩაუტარდება სასამართლო-სამედიცინო ექსპერტიზა, რათა დადგინდეს აღენიშნება თუ არა სხეულზე ძალადობის კვალი და არსებობს თუ არა მის სისხლში რაიმე სახის ნარკოტიკული ნივთიერება.
