2026 წლის ზაფხულიდან საბერძნეთის მოქალაქეები ძველი პირადობის მოწმობებით ვეღარ იმოგზაურებენ

2026 წლის ზაფხულიდან საბერძნეთის მოქალაქეები ძველი პირადობის მოწმობებით ვეღარ იმოგზაურებენ

ციფრული მმართველობის მინისტრმა, დიმიტრის პაპასტერღიუმ პირადი ნომრის მინიჭების რეფორმის გატარების პროცესის პარალელურად, რომლის საწყის ინიციალებსაც 5 ნოემბრამდე ირჩევენ საბერძნეთის მოქალაქეები და ქვეყანაში ლეგალურად მყოფი ემიგრანტები, ხოლო დაბოლოება იქნება ΑΦΜ, აცხადებს, რომ 2026 წლის ზაფხულიდან საბერძნეთის მოქალაქეები ძველი პირადობის მოწმობებით ვეღარ შეძლებენ მოგზაურობას.

საბერძნეთის მოქალაქეები ევროკავშირის ქვეყნებში პასპორტების ნაცვლად იყენებენ პირადობის მოწმობებს, თუმცა 2026 წლის ზაფხულიდან სავალდებულო გახდება მათთვის, ვისაც პირადობის მოწმობით უნდათ მოგზაურობა, ძველის ახალით ჩანაცვლება და ID ბარათის აღება.

ამ დროისთვის არსებული სტატისტიკის მიხედვით პირადი ნომერი უკვე აღებული აქვს 1,3 მილიონ ადამიანს, ხოლო 6 ნოემბრიდან უკვე დაიწყება პირადი ნომრების ავტომატური მინიჭება.