22 და 23 ოქტომბერს საბერძნეთის საზღვაო ფედერაცია გაიფიცება
22 და 23 ოქტომბერს საბერძნეთის საზღვაო ფედერაცია გაიფიცება
2025 წლის საზღვაო კოლექტიური შრომითი ხელშეკრულებების ხელმოწერას 12%-იანი მატებით ითხოვს საბერძნეთის საზღვაო ფედერაცია, რომლის აღმასრულებელმა კომიტეტმა ერთხმად მიიღო გადაწყვეტილება 48 საათიან საყოველთაო გამაფრთხილებელ გაფიცვასთან დაკავშირებით. შესაბამისად სამშაბათს 22 და ოთხშაბათს 23 ოქტომბერს საბერძნეთის ტერიტორიაზე საზღვაო გადაადგილება შეჩერდება.
შეგახსენებთ რომ 23 ოქტომბერს გაიფიცებიან მასწავლებლებიც სრულიად საბერძნეთის მასშტაბით.
“არ შეგვიძლია უგულებელვყოთ მხოლოდ კერძო კომპანიების მოგებაზე ორიენტირებული სისტემა, რომლებიც ყოველწლიურად 150 000 000 ევროს ოდენობით ფინანსდებიან სახელმწიფო ფონდიდან მათი ფლოტების განახლება, მოდერნიზაციისთვის. არ შეგვიძლია უგულებელვყოთ, რომ ყოველდღიურად ირღვევა მეზღვაურთა კანონით გათვალისწინებული უფლებები და თავისუფლებები.” – აცხადებს საბერძნეთის საზღვაო ფედერაციის წარმომადგენელი.
