58 წლის კაცი აივანზე შიშველი გამოდიოდა და გამვლელებს წყლით წუწავდა
58 წლის კაცი აივანზე შიშველი გამოდიოდა და გამვლელებს წყლით წუწავდა
ფსიქიატრიულ კლინიკაში გადაიყვანეს სავალდებულო მკურნალობის გასავლელად ვოლოსის 58 წლის მაცხოვრებელი, რომელიც აივანზე შიშველი გადიოდა, მუსიკას ბოლო ხმაზე რთავდა და გამვლელებს წყლით წუწავდა.
აღნიშნული პირის წინააღმდეგ საჩივარი პოლიციის განყოფილებაში მეზობლებისგან არაერთხელ შევიდა.
სამართალდამცავი ორგანოების ხელთ არსებულ ერთ-ერთ საჩივარში დეტალურად არის აღწერილი თუ როგორ აედევნა ეზოში 32 წლის მეზობელს 58 წლის კაცი ჯაჭვით და სცადა მისთვის ფიზიკური დაზიანებების მიყენება.
ბრალდებულის სასამართლო პროცესზე ნათელი გახდა, რომ აღნიშულ პირს არაერთხელ ჰქონდა გამოვლენილი გარშემომყოფთათვის საშიში ქმედება: ისვრიდა აივნიდან ნივთებს, მაგ.ტელევიზორი, აგინებდა და ემუქრებოდა დედას, აივანზე ხმაურის გამოსაწვევად რთავდა მუსიკას, მტვერსასრუტს და ა.შ.
სასამართლომ 58 წლის კაცის იძულებით ფსიქიატრიულ კლინიკაში გადაყვანის განკარგულება გასცა.
