58 000-ზე მეტი ელვა საბერძნეთის ცაზე
58 000-ზე მეტი ელვა საბერძნეთის ცაზე
პარასკევს, 24 ივლისს ამინდის გაუარესების შედეგად ძლიერმა წვიმამ და ქარმა საბერძნეთს დიდი მატერიალური ზიანი მიაყენა.
ათენის ეროვნული ობსერვატორიის meteo.gr-ის მიერ გავრცელებული ინფორმაციის თანახმად, ყველაზე დიდი ნალექი ევიაზე დაფიქსირდა. ნალექის უხვი რაოდენობდა დაფიქსირდა თესალიაშიც, ცენტრალურ საბერძნეთში, ათენში, პელოპონისოზე, იპიროსა და მაკედონიის რამდენიმე რეგიონში, განსაკუთრებით კი ჰალკიდიკში.
ევროპული ორგანიზაცია EUMETSAT-ის მიერ გავრცელებული ინფორმაციის თაბახმად, პარასკევს საღამომდე საბერძნეთის ცაზე 58 000-ზე მეტი ელვა დაფიქსირდა.
უამინდობის შედეგად წარმოქმნილი მნიშვნელოვანი პრობლემების გამო პარასკევს საღამოდან შაბათის დილამდე საბერძნეთის სახანძრო სამსახურმა 940 გამოძახება მიიღო, რომლებიც ძირითადად წაქცეულ ხეებს, ქარის შედეგად დაზიანებულ ობიექტებსა და დატბორილი ტერიტორიებიდან წყლის ამოტუმბვას უკავშირდებოდა.
ყველაზე მძიმე მდგომარეობა ატიკის რეგიონში იყო, სადაც 850 გამოძახება დაფიქსირდა. სახანძრო სამსახურმა ამ დროისთვის 251 ხე მოჭრა, 59 სახიფათო ობიექტი გააუვნებელყო და 54 ადგილიდან წყალი ამოტუმბა. ცენტრალურ საბერძნეთში 60, ხოლო თესალიაში 30 გამოძახება დაფიქსირდა.
ხელისუფლება მოსახლეობას მოუწოდებს, უამინდობის პერიოდში განსაკუთრებული სიფრთხილე გამოიჩინონ და საჭიროების გარეშე გადაადგილებას მოერიდონ.
