კორფუ: პაციენტს ქირურგიული ოპერაცია ზოგადი ანესთეზიის გარეშე გაუკეთეს
კორფუს გენერალური საავადმყოფოს წინააღმდეგ ერთ-ერთი პაციენტის ახლობლებმა სერიოზული საჩივარი შეიტანეს, რომელშიც ისინი აღნიშნავენ, რომ ავადმყოფს ქირურგიული ოპერაცია ზოგადი ანესთეზიის გარეშე, მხოლოდ ადგილობრივი გაუტკივარების ქვეშ გაუკეთეს.
ინციდენტი ხერხემლის თიაქრის ოპერაციის დროს მოხდა.
პაციენტის დის მიერ სოციალურ ქსელში გამოქვეყნებული პოსტის მიხედვით, ავადმყოფს ოპერაცია მხოლოდ ადგილობრივი გაუტკივარებით ჩაუტარდა იმის გამო, რომ ზოგადი ანესთეზიისთვის საჭირო აპარატი არ მუშაობდა.
როგორც მომჩივანი აცხადებს, ის ფაქტი, რომ მისი და ცოცხალია ღმერთის, წმინდანების და მისი დის ძლიერი ხასიათის დამსახურებაა.
კორფუს ჰოსპიტალის წყაროების ცნობით, მომხდარი ინციდენტი დასტურდება, ხოლო საქმეს კორფუს საავადმყოფოს ადმინისტრაცია იკვლევს და დეტალების შესახებ დამატებითი ინფორმაცია უახლოეს დროში გავრცელდება.
