ევიაში ეკლესიის მახლობლად გათხრების დროს ადამიანთა ჩონჩხები აღმოაჩინეს

ევიაში ურბანული საკანალიზაციო ქსელების დასამონტაჟებლად მიმდინარე გათხრითი სამუშაოების შესრულების დროს ადამიანთა ჩონჩხები აღმოაჩინეს.

გავრცელებული ცნობით, ჩონჩხები ისტიის ღვთისმშობლის ტაძართან მიმდინარე გათხრების დროს გამოჩნდა. ჯერჯერობით არ არის დაზუსტებული ვის ეკუთვნის ჩონჩხები და ზოგადად არის თუ არა ეს არქეოლოგიური აღმოჩენა.

ნიადაგში ჩონჩხების მდებარეობის სიღრმიდან გამომდინარე ყველაზე სავარაუდოა, რომ ისინი დაკავშირებულია ოსმალეთის პერიოდთან და მიეკუთვნებიან ადამიანებს, რომლებიც დაიღუპნენ 1821 წლის რევოლუციამდე.

ამავდროულად არ არსებობს საფუძველი ვარაუდის, რომ ისინი დაკავშირებულია რაიმე სამარხთან, მიუხედავად იმისა, რომ ისტორიული მონაცემებით ამ ტერიტორიაზე ოსმალთა სასაფლაო ყოფილა. ყოველ შემთხვევაში გზა, რომელზეც სამუშაოები მიმდინარეობს, მინიმუმ 200 წლისაა.