განაგაში თესალონიკის სანაპიროზე: ზღვაში შესული სერფერი ქარმა და ძლიერმა ტალღებმა გაიტაცა

ძლიერმა ქარმა და ტალღებმა კვირას (11/19) შუადღისას, თესალონიკში, ეპანომის საზღვაო რაიონში, უამინდობის დროს ზღვაში შესული 23 წლის სერფერი გაიტაცა, რომელიც ნაპირზე გასვლას ვეღარ ახერხებდა.

სანაპირო დაცვის გემებმა ტალღებთან  მებრძოლი ახალგაზრდა ნაპირიდან დაახლოებით 300 მეტრში შენიშნეს და დახმარების აღმოჩენის შემდეგ უსაფრთხოდ გადაიყვანეს პოტამოს ეპანომის სანაპირო ზოლში. შემთხვევის ადგილზე მივიდა პოლიციის საპატრულო ეკიპაჟიც.

სანაპირო დაცვის სამსახურის ოპერატორის განცხადებით, გადარჩენილი თავს კარგად გრძნობდა და შემთხვევის ადგილზე მისულ სასწრაფო დახმარების გუნდს პროფილაქტიკური მიზნით მისი გასინჯვის შემდეგ საავადმყოფოში გადაყვანაზე უარი განუცხადა.