მესოლოგი: მამამ ოთხი წლის ბავშვი მანქანაში ჩაკეტილი დატოვა, რათა სუპერმარკეტში შესულიყო
გუშინ ღამით, მესოლოგის პოლიციის დეპარტამენტის DIAS-ის ჯგუფის პოლიციის თანამშრომლებმა სუპერმარკეტის ავტოსადგომზე ჩაკეტილ მანქანაში 4 წლის გოგონა იპოვეს.
ბავშვი მანქანაში მამამ დატოვა,თვითონ კი სუპერმარკეტში შევიდა.
მანქანაში მიტოვებული ბავშვი შემთხვევის ადგილზე გამვლელებმა შეამჩნიეს და პოლიციას შეატყობინეს, რის შემდეგაც ადგილზე სასწრაფოდ მისულმა DIAS-ის თანამშრომლებმა მანქანის შუშა ჩაამტვრიეს და გოგონა უვნებლად გამოიყვანეს.
არასრულწლოვანი ჯერ მესოლოგის, შემდეგ კი აგრინიოს გენერალურ საავადმყოფოში გადაიყვანეს, სადაც პროფილაქტიკური მიზნით სტაციონარში რჩება. მისი ჯანმრთელობის მდგომარეობა დამაკმაყოფილებელია და საფრთხე არ ემუქრება.
რაც შეეხება მამას, პოლიციის თანამშრომლებმა დააკავეს ადგილობრივი მამაკაცი, რომლის მიმართაც არასრულწლოვანი ქალიშვილის სიცოცხლისათვის საფრთხის შექმნის ფაქტზე საქმე აღიძრა.
