ზრუნავენ, თუ…გატყუებენ? – საეჭვო SMS მოსახლეობას
ზრუნავენ, თუ…გატყუებენ? – საეჭვო SMS მოსახლეობას
EOΠYY აფრთხილებს იმ პირებს, ვისაც სოციალური დაზღვევა აქვს.
EOΠYY (ჯანმრთელობის მომსახურებების უზრუნველყოფის ეროვნული ორგანიზაცია) დაზღვეულთა ყურადღებას ამახვილებს მობილურ ტელეფონზე გაგზავნილ ნებისმიერ შეცდომაში შემყვან შეტყობინებებზე.
ოქტომბრის დასაწყისიდან, EOΠYY კვლავ მიმართავს დაზღვეულ პირებს, მობილურ ტელეფონებზე ცრუ შეტყობინებების შესახებ, სადაც მოსახლეობას პერსონალურ კოდებს, ( taxisnet კოდებს) სთხოვენ.
ყურადღება გაამახვილეთ! სახელმწიფო ორგანიზმის ინფორმაციით, EOΠYY-ის ოფიციალური ვებგვერდია https://www.eopyy.gov.gr/. ხოლო, ყალბი ვებგვერდი, რომელიც SMS-ით ეგზავნება მოქალაქეებს და ეხება ,,ინფორმაციის განახლებებს“, (ძირითადად ფინანსურს), არის https://eopyy-govgr[.]com/web/index.
EOΠYY-მ უკვე მოახდინა კომუნიკაცია ყალბი ვებსაიტის მასპინძელ პროვაიდერთან (ჰოსტინგ პროვაიდერი) ყალბი ვებსაიტის დეაქტივიზაციისთვის:
,,ჩვენ ვალდებულები ვართ, გავაფრთხილოთ სოციალური დაზღვევის მქონე მოსახლეობა, რამდენადაც, EOΠYY პერიოდულად აგზავნის SMS შეტყობინებებს, რომლებიც მხოლოდ ინფორმაციული ხასიათისაა, და ეხება: შეთავაზებული ცვლილებების განხორციელებას, დაზღვეულ პირთა მიერ ინდივიდუალური მოთხოვნების შესახებ გადაწყვეტილებებს, ინდივიდუალური მოთხოვნების წარდგენას KEΠ-ის საშუალებით , საკონტაქტო მონაცემების დადასტურებას დ.ა.შ
მობილური ტელეფონი, რომელზეც იგზავნება SMS, დეკლარირებულია პირადი ექიმის მიერ, მასთან კონტაქტის საფუძველზე, ან ბაზაში ავტომატურად იძებნება სოციალური დაზღვევის სააგენტოს მეშვეობით დადასტურებული საკონტაქტო მონაცემებიდან“ – ნათქვამია განცხადებაში. ΕΟΠΥΥ ასევე ხაზს უსვამს იმ ფაქტს, რომ არანაირ კომუნიკაციას არ ახორციელებს მოსახლეობასთან. მაგ.:ტელეფონით კონტაქტი, SMS, ან ელექტრონული ფოსტა და არასოდეს ითხოვს დაზღვეული პირის პერსონალური ინფორმაციის გამჟღავნებას, როგორიცაა საბანკო ანგარიში IBAN და ა.შ.
