ევიაში მამინაცვალი შშმ პირს გახურებული უთოთი თავს დაესხა

ევიაში მამინაცვალი შშმ პირს გახურებული უთოთი თავს დაესხა

ევიაში შეზღუდული შესაძლებლობების მქონე პირზე (შშ) ძალადობის ფაქტი დაფიქსირდა.

ინფორმაცია ოჯახში ძალადობის კიდევ ერთი ეპიზოდის დაფიქსირების შესახებ შოკისმომგვრელი აღმოჩნდა და ის ევიაში მოხდა.

კერძოდ, 45 წლის მამაკაცი მეუღლის 32 წლის შვილს – შეზღუდული შესაძლებლობების მქონე პირს გახურებული უთოთი დაესხა თავს. მომხდარის შესახებ ადგილობრივი პოლიციის თანამშრომლებს შეატყობინეს, რომლებიც შემთხვევის ადგილზე მალევე მივიდნენ, თუმცა თავდასხმელმა მიმალვა მოასწრო.

სამართალდამცავებმა დაადგინეს, რომ 32 წლის ახალგაზრდას მამინაცვალმა სახეში მუშტი დაარტყა. დაზარალებულს ასევე, მარცხენა ხელზე ცხელი  უთოთი მიყენებული დამწვრობის კვალი აჩნდა.

სასწრაფო დახმარების მანქანით რაიონის ჯანდაცვის ცენტრში მისულმა ექიმებს უამბო, თუ როგორ დაესხა მას თავს 45 წლის მამინაცვალი.

საბოლოოდ, დამნაშავე საკუთარ სახლში იპოვეს და დააკავეს.