მესოლონგიში მარიხუანას საკონდიტრო ნაწარმის სახით ყიდდნენ

მესოლონგიში მარიხუანას საკონდიტრო ნაწარმის სახით ყიდდნენ

საკონდიტრო ნაწარმის სახით უკვე მოსახმარებლად გამზადებულ მარიხუანას ყიდდნენ მესოლონგში ნარკოდილერები, რომლებიც პოლიციამ სამშაბათს დააკავა. გამოძიებისას ცნობილი გახდა, რომ დამნაშავეებს შედგენილი ჰქონდათ კატალოგიც, სადაც მითითებული იყო თითოეული ნარკოტიკული ნივთიერების შემცველი საკონდიტრო ნაწარმის ღირებულება.

სამშაბათს დილით პოლიციელებმა ერთ-ერთი ნარკოდილერი ორიდან, შემოწმებისთვის გააჩერეს და სამგზავრო ჩანთიდან ჩხრეკისას 342 გრამი მარიხუანა ამოიღეს. აღნიშნულ პიროვნებას მაშინვე დაადეს ხელბორკილები და დაკითხვაზე გადაიყვანეს. დაკითხვის შემდეგ პოლოციამ ჩხრეკა დაკავებულის სახლში განაგრძნო, სადაც დაკავებული იქნა მეორე ნარკოდილერიც, რადგან ჩხრეკისას სამართალდამცავმა ორგანოებმა  აღმოაჩინეს 498 გრამი მარიხუანა ორცხობილების სახით, 21.6 გრამი მარიხუანა  სანთლების ფორმით, 63.2 გრამი გადამუშავებული მარიხუანა პატარა შოკოლადების სახით და კიდევ 151 გრამი ნედლი მარიხუანა.

ასევე, იმპროვიზებული საკონდიტროდან ამოღებულია ჰალუცინოგენი სოკო, რომლის რაოდენობაც შეადგენდა 13,6 გრამს, ელექტრონული სასწორი და ორი სახეხი. ყველა აღმოჩენილ ინსტრუმენტზე ნაპოვნია ნარკოტიკის ნარჩენები.

დაკავებულის მიმართ ნარკოტიკების შენახვის, ტრანსპორტირებისა და რეალიზაციის მუხლით აღიძრა საქმე.