ხალკიდა: თავდამსხმელებმა მოხუცი სასტიკად სცემეს და გაძარცვეს
სამშაბათს, გამთენიისას ხალკიდაში, საკუთარ საცხოვრებელ სახლში მოხუც მამაკაცს მძარცველები დაესხნენ თავს და სასტიკად გაუსწორდნენ.
ერთი მამაკაცისგან და ორი ქალისგან შემდგარმა დამნაშავეთა ჯგუფმა უმწეო მოხუცი, რომელმაც წინააღმდეგობის გაწევა ვერ შეძლო, უმოწყალოდ სცემა და გაძარცვა.
აიღეს თანხა, რომელიც მამაკაცს სასწრაფო დახმარებისთვის ჰქონდა შენახული და გაიქცნენ.
დაშავებული ხალკიდის გენერალურ საავადმყოფოში გადაიყვანეს, სადაც პირველადი დახმარება აღმოუჩინეს.
მან პოლიციას ჩვენება მისცა, სადაც თავდამსხმელთა გარეგნობა აღწერა და პოლიციის მიერ ნაჩვენებ ფოტორობოტზე ერთ- ერთი თავდამსხმელი, რომელიც ადრე დაკავებული და ვადაზე ადრე გათავისუფლებული იყო, ამოიცნო.
სამშაბათს დილით, კრიმინალი, თავის ორ თანამზრახველთან ერთად პოლიციის მიერ ჩატარებული სპეციალური ოპერაციის დროს შენიშნეს.
ამ დროისთვის სამივე თავდამსხმელი დაკავებულია და ყაჩაღობის და მასში თანამონაწილეობის ფაქტზე აღძრული საქმით ხალკიდის პროკურატურაშია გადაყვანილი.
