ფულადი ჯარიმა ლეკვების გამო

ფულადი ჯარიმა ლეკვების გამო

ფულადი ჯარიმა  ნეა იონიას დასახლებაში, 69 წლის ქალს დაეკისრა, რომელმაც  4 ლეკვი… სანაგვეში გადააგდო!

ქალმა, რომელსაც 120.000 ევროს ოდენობის ფულადი ჯარიმა დაეკისრა, აღიარა თავისი საქციელი და თავი იმით იმართლა, რომ ის, ლეკვების მოვლას ვერ შეძლებდა…

დასახლების მცხოვრებმა ახალშობილი ლეკვების წკმუტუნი გაიგო და როგორც კი ნაგვის ურნაში გადაყრილ ლეკვებს მიაგნო, უმალვე საქველმოქმედო ორგანიზაციას აცნობა.

ცხოველთა დაცვის საქელმოქმედო სააგენტოს წარმომადგენლებმა ლეკვების გადარჩენა შეძლეს, თუმცა ახლა ისინი 3 ლეკვს მოუვლიან, რადგანაც ერთი ლეკვი, ცხოველთა თავშესაფარში მიყვანიდან რამოდენიმე დღეში დაიღუპა.

ERT-ის ცნობით, მცხოვრებმა, რომელმაც ძაღლები ურნაში იპოვა, მომხდარის შესახებ ადგილობრივ პოლიციის დეპარტამენტსაც შეატყობინა.

პოლიციის თანამშრომლებმა უსაფრთხოების კამერებით დაფიქსირებული  ვიდეომასალის მეშვეობით დაადგინეს 69 წლის ქალის ვინაობა, რომელმაც აღიარა, რომ ლეკვები ნაგავში იმიტომ გადაყარა, რომ და მათზე ზრუნვა არ შეეძლო.

ამ ქმედებისათვის ქალბატონს 120.000 ევროს ოდენობის ჯარიმა დაეკისრა.