პლატონის  სამარხი ათენშია

პლატონის  სამარხი ათენშია

,,პლატონის სამარხი ათენშია!“ – ასეთია იტალიელი მკვლევარების დასკვნა, რომელთაც სცადეს დიდი ბერძენი ფილოსოფოსის ზუსტი სამარხის დადგენა.

ჩვენი წელთაღრიცხვით 79 წელს ამოფრქვეული ვულკან ,,ვეზუვის“ მიერ დაზიანებული პაპირუსების ნაწილი,  იტალიელ მკვლევართა   ფონდის მტკიცებით, სწორედ ფილოსოფოს პლატონის სამარხის საიდუმლოს ხდის ფარდას.

კვლევის მიხედვით, რომელსაც ხელმძღვანელობდა იტალიელი მეცნიერი – პაპირუსების კვლევის ექსპერტი:  გრაციანო რანოკია, ცნობილი ხდება ფაქტი, რომ პლატონი დაკრძალულია მისივე სახელობის აკადემიის ტერიტორიაზე, „მუზების ტაძრის“ მახლობლად მდებარე ბაღში.

ეს მნიშვნელოვანი აღმოჩენა კი,  განაპირობა ფილოსოფოს  ფილოდიმე ეპიკურელის პაპირუსის გაშიფრამ , რომელიც სწორედ „აკადემიის“ ისტორიას მოიცავს…

პაპირუსების „წაკითხვა“ და ამგვარად, უფრო მეტი ინფორმაციის მოძიება სამი წლის წინ დაიწყო და სავარაუდოდ, 2026 წლისათვის დასრულდება, რაც იმის გარანტიას იძლევა, რომ ამ გაშიფრის შედეგები, 30% – ით მეტ ცნობებს მოგვცემს იმ კვლევებთან შედარებით, რომლებიც ბოლოს, 1991 წელს განხორციელდა.

ოფიციალური ჩანაწერის მიხედვით, არსებობს 1.814 პაპირუსი და ფრაგმენტი. აქედან, 1.756 აღმოჩენილია 1855 წელს.

პაპირიოლოგების ძალისხმევით დღემდე 340 პაპირუსია გაშიფრული, 970-მდე – ნაწილობრივ დაზიანებულად ითვლება, ხოლო 500-მდე პაპირუსი კი, მთლიანად განადგურებულია ვულკანის ამოფრქვევის შედეგად.

დღემდე მოძიებულია დაახლოებით 1800-ზე მეტი, ფილოსოფიური ტექსტების შემცველი პაპირუსი, რომელთა ძირითადი ნაწილის ავტორი   ფილოდიმე ეპიკურელი გახლდათ.

პაპირუსების უმრავლესობა  ნეაპოლის ეროვნულ ბიბლიოთეკაში ინახება, თუმცა ისინი საჯაროდ გამოფენილი არ არის, რადგანაც პაპირუსები განიხილება, როგორც განსაკუთრებით “სენსიტიურ” არქეოლოგიურ აღმოჩენებად.