ელენი ფილინიმ მამამისზე ისაუბრა

ელენი ფილინიმ მამამისზე ისაუბრა

სატელევიზიო გადაცემა “Στιγμές”-ში, ელენი ფილინიმ ბავშვობის წლები გაიხსენა და მამამისზე ისაუბრა. 

ტელემაყურებლებს მსახიობმა საიდუმლოც გაუმხილა და თქვა, რომ არასდროს არ უნდოდა დაქორწინება, რადგან ეშინოდა განქორწინების განსაკუთრებით კი მაშინ, თუ ეყოლებოდა ბავშვები.

“არ მინდოდა დავოჯახებულიყავი და შემდეგ განვქორწინებულიყავი. საერთოდ არ ვთვლი, რომ ამ თემას ტაბუ უნდა დავადოთ. არ მინდოდა შემექმნა ოჯახი და მყოლოდა შვილი.. ზრდასრული ადამიანებისთვის ლოგიკურია, რომ ურთიერთობას შეიძლება განშორება მოყვეს. თუმცა ბავშვისთვის რთული გადასატანია მშობლების განშორება. მე ყოველთვის მაკლდა მამა და არ მინდოდა არასდროს, რომ ჩემს შვილსაც იმ შეგრძნებებით ეცხოვრა, როგორი შეგრძნებებითაც მე გავატარე მთელი ბავშვობა. გამომდინარე აქედან მაშინებს განშორებაც. ვიცი, რას ნიშნავს გაკლდეს, დაკარგო ერთი მშობელი როცა პატარა ხარ, მაშინ, როცა ყველაზე მეტად გჭირდება. როცა იზრდები უკვე იმდენად აღარ ხარ დამოკიდებული მშობლებზე.. და მათი მონატრებაც ნაკლებად გაშინებს” – განაცხადა მსახიობმა.