უბედურ შემთხვევას 30 წლის მამაკაცის სიცოცხლე ემსხვერპლა

უბედურ შემთხვევას 30 წლის მამაკაცის სიცოცხლე ემსხვერპლა

ოთხშაბათს გამთენიისას ვერია-თესალონიკის გზატკეცილზე ავტოსაგზაო შემთხვევა მოხდა.

Emvolos.gr-ის მიერ გავრცელებული ინფორმაციის თანახმად, ავტომანქანის მძღოლი ცდილობდა თავიდან აერიდებინა ფეხით მოსიარულესთან შეჯახება, რომელიც გზაზე მოულოდნელად გადმოვიდა. ფეხითმოსიარულის სიცოცხლის გადარჩენის მცდელობისას კი ავტომანქანა გზიდან გადავიდა და საპირისპირო მოძრაობის ზოლში მიმავალ სატვირთო მანქანას შეასკდა. 

უბედურმა შემთხვევამ ავტომანქანის მძღოლის სიცოცხლე იმსხვერპლა. მიუხედავად იმისა, რომ სამაშველო და სასწრაფო დახმარების გუნდმა დაუყოვნებლივ მოახდინა 30 წლის მძღოლის საავადმყოფოში გადაყვანა, მისი სიცოცხლის გადარჩენა ექიმებმა მაინც ვერ შეძლეს.