საზარელი შემთხვევა პეტრალონაში – სახლის მეპატრონემ 53 წლის დამლაგებლის გაუპატიურება სცადა
საზარელი შემთხვევა პეტრალონაში – სახლის მეპატრონემ 53 წლის დამლაგებლის გაუპატიურება სცადა
გაუპატიურების მცდელობის მსხვერპლი გახდა 53 წლის ქალბატონი პეტრალონაში.
ეკონომიკური პრობლემების გამო 53 წლის ქალბატონი სამსახურს ეძებდა როგორც დამლაგებელი და ასე აღმოჩნდა პეტრალონას ერთ-ერთ ქუჩაზე, სახლში, რომლის მფლობელიც ალბანური წარმოშობის მამაკაცია.
მოძალადე სახლის დასალაგებლად შესულ ქალბატონს თავს დაესხა, ტანსაცმელი შემოახია, დაარტყა და ეცადა, რომ გაეუპატიურებინა.
53 წლის ქალბატონი კი, მიუხედავად ზეწოლისა, ეცადა მოძალადისგან თავი დაეღწია, მას ხელიდან დაუსხლტა და სახლის ერთ-ერთ ოთახში შეიკეტა, საიდანაც მოახერხა პოლიციაში დარეკვა.
დანაშაულის ადგილზე პოლიცია მალევე მივიდა. დააკავა მოძალადე, ხოლო ძალადობის მსხვერპლი კი ნიკეას საავადმყოფოში გადაიყვანა, სადაც ამ დრომდე გადის მკურნალობას.
