ყველაზე ცხელი სამშაბათი დედაქალაქში

ყველაზე ცხელი სამშაბათი დედაქალაქში

ივნისის თვე ოფიციალურად საზაფხულო ტემპერატურით დაიწყო. საბერძნეთის მთელ ტერიტორიაზე თერმომეტრი 35 გრადუსს უჩვენებს და ოთხშაბათამდე ქვეყნის ზოგიერთ ნაწილში ტემპერატურა 40 გრადუსსაც კი მიაღწევს. ტემპერატურის მატებასთან ერთად მოსალოდნელია ატმოსფეროში აფრიკული მტვერის რაოდენობის ზრდაც.

სიცხეების ეპიცენტრი იქნება ათენი, თესალია, ცენტრალური მაკედონია, ეტოლოაკარნანია, ვიოტია, ფთიოტიდა, პელოპონისო, კრეტა და მთლიანად დოდეკანისა.

სინოპტიკოსების მიერ გავრცელებული ინფორმაციის თანახმად ყველაზე ცხელი დღე სამშაბათი იქნება, როცა დედაქალაქში ტემპერატურა 38 გრადუსს მიაღწევს, ხოლო ქვეყნის ზოგიერთ ნაწილში კი 39-40 გრადუსამდე იმერყევებს.

ოთხშაბათიდან ტემპერატურა შედარებით დაიკლებს და ამოსუნთქვის საშუალებას მისცემს საბერძნეთის მოსახლეობასა და ტურისტებს ორი დღით. შაბათ-კვირას კი ტემპერატურა ჩვეულ, მაღალ მაჩვენებელს დაუბრუნდება.