არვის მოსახლეობამ 6 035 ევრო ააგროვა, რათა 7 წლის ნიკოლასის მშობლებმა შვილის ალბანეთში დაკრძალვა შეძლონ
არვის მოსახლეობამ 6 035 ევრო ააგროვა, რათა 7 წლის ნიკოლასის მშობლებმა შვილის ალბანეთში დაკრძალვა შეძლონ
სრულიად საბერძნეთი და არვის ადგილობრივი მოსახლეობა შეძრა 7 წლის ნიკოლასის გარდაცვალებამ, რომელიც ზღვაში დაიხჩო.
პატარა ნიკოლასი და მისი ოჯახი წარმოშიბით ალბანეთიდან არიან, თუმცა ბოლო რამდენიმე წელია არვიში ცხოვრობენ. მისი მშობლები ძალიან შრომისმოყვარე და პატიოსანი ადამიანები არიან და კუნძულზე სათბურში მუშაობენ. ცხოვრების ამ მძიმე ეტაპზე, როცა მათ 7 წლის შვილი დაკარგეს, ერთადერთი სურვილი, რაც აქვთ შვილის ცხედრის ალბანეთში გადასვენება და დაკრძალვაა, თუმცა მატერიალური მდგომარეობის გამო მათ ამის საშუალება არ აქვთ. გამომდინარე აქედან, არვის მოსახლეობამ გადაწყვიტა თანხა აეგროვებინათ და ასე მაინც დადგომოდნენ გვერდში მშობლებს, რომლებსაც ამ მძიმე წუთების გავლა სრულიად მარტო უწევთ.
გავრცელებული ინფორმაციის თანახმად თანხა, რომელიც ადგილობრივი მოსახლეობის მიერ შეგროვდა, 6 035 ევროს შეადგენს.
შეგროვებული თანხა დაფარავს ცხედრის გადასვენებას ალბანეთში და დარჩენილი თანხა გადაეცემა დაღუპული ბიჭუნას ოჯახის წევრებს.
