ევროვიზია: 5 თვის შემდეგ ისრაელის წარმომადგენელმა მარინა სატის დამთქნარების საპასუხოდ განცხადება გააკეთა

ევროვიზია: 5 თვის შემდეგ ისრაელის წარმომადგენელმა მარინა სატის დამთქნარების საპასუხოდ განცხადება გააკეთა

ედენ გოლანი ნამდვილად ვერ წარმოიდგენდა რომ ზიზღის სიმბოლო გახდებოდა. თუმცა ეს არის ის, რაც მოხდა, როცა 2024 წლის ევროვიზიაზე ისრაელის წარმომადგენელი გახდა.

სადაც არ უნდა წასულიყო ყველგან ხვდებოდნენ ადამიანები, რომლებიც ისრაელის ქმედებას აპროტესტებდნენ. ედენ გოლანს ერთ-ერთი გამოსვლისას გამართული პროტესტი იმდენად ხმაურიანი იყო, რომ მომღერალს საკუთარი ხმა არ ესმოდა. 

ედენმა Hollywood Reporter-ისთვის მიცემულ ინტერვიუში მარინა სატიზეც ისაუბრა: “ შემზარავი იყო, ჩემი ხმა საერთოდ არ ისმოდა. იუთიუბზეც დევს ეს ვიდეო. სანამ სცენაზე გავიდოდი დარწმუნებული ვიყავი რომ ხალხის პროტესტი ხელს არ შემიშლიდა, მაგრამ სცენაზე გასვლისას მივხვდი, რომ საკუთარი ხმის ნაცვლად ხალხის შეძახილები მესმოდა. მაგრამ ამან არ შემაშინა, პირიქით ჩემში ცხოველი გააღვიძა, რომელიც რამდენჯერაც საჭირო იქნებოდა ამის გაკეთება, იმდენჯერ გამოვიდოდა სცენაზე.” მარინა სატის საქციელთან დაკავშირებით ედენ გოლანმა განაცხადა: “წარმატებებს ვუსურვებ. იმედია მარიაც და კონკურსის სხვა მონაწილეებიც ოცნებებს რეალობად აქცევენ. კარგ ცხოვრებას და ბედნიერებას ვუსურვებ მათ.”