კალამატა: 11 წლის ბიჭი თანატოლებმა გაზიანი სასმელის წართმევის მიზნით სცემეს
კალამატა: 11 წლის ბიჭი თანატოლებმა გაზიანი სასმელის წართმევის მიზნით სცემეს
მოსწავლეთა შორის ძალადობა უკვე ყოველღვარ ზღვარს სცდება. კალამატაში, ერთ-ერთ საზოგადოებრივი თავშეყრის პარკში 11 წლის ბიჭი მისმა თანატოლებმა იმიტომ სცემეს, რომ მისთვის გაზიანი სასმელი, რომელსაც სეირნობისას სვამდა, წაერთმიათ.
11 წლის ბიჭი პარკში ორშაბათს ღამით მარტო სეირნობდა, როდესაც მას 3 არასრულწლოვანი მიუახლოვდა და ჯერ სიტყვიერი შეურაცხყოფა მიაუენეს, ხოლო შემდეგ კი ხელი დაარტყეს და გაზიანი სასმელი, რომელსაც სვამდა, წაართვეს.
შეშინებულმა ბიჭმა მშობლებს მოუყვა მომხდარის შესახებ, ხოლო მშობლებმა კი დაუყოვნებლივ მიმართეს პოლიციას.
საგამოძიებო მოქმედებების შედეგად პოლიციამ სამშაბათს დილით სამი თავდამსხმელიდან ერთ-ერთი დააკავა და განყოფილებაში გადაიყვანა. 11 წლის ბიჭმა ამოიცნო დაკავებული და განაცხადა, რომ დაკავებულმა დაარტყა ხელი.
არასრულწლოვანი თავდამსხმელი ამ დრომდე განყოფილებაში იმყოფება, მის წინააღმდეგ საქმე აღიძრა ქურდობის და სხეულის მსუბუქი დაზიანების მიყენებისთვის, ხოლო მისი მშობლების წინააღმდეგ კი არასრულწლოვნისთვის არასათანადო ყურადღების მიქცევისთვის.
