ფალირო: ავტომანქანა ტრამვაის ლიანდაგებზე შევარდა
ფალირო: ავტომანქანა ტრამვაის ლიანდაგებზე შევარდა
კარაისკაკის სტადიონთან ახლოს, ნეო ფალიროში ავტომანქანა შაბათს დილით ტრამვაის ლიანდაგებზე შევარდა.
გავრცელებული ინფორმაციის თანახმად ავტომანქანას 25 წლამდე ახალგაზრდა მართავდა და მის შეყვარებულთან ერთად. გამოძიებისთვის ამ დრომდე დაუდგენელ მიზეზთა გამო ახალგაზრდამ საჭეზე კონტროლი დაკარგა, გზის მარჯვენა ზოლში გზის ჯებირებს შეეჯახა, 50 მეტრის მანძილზე გასრიალდა და ტრამვაის ლიანდაგებზე შევარდა.
შემთხვევის ადგილზე გამოცხადდა საგზაო პოლიცია და პირეას მუნიციპალიტეტის წარმომადგენლები. მანქანიდან ჯერ დაშავებული გოგონა გადმოიყვანეს, რომელიც შეჯახების შედეგად თავით საქარე მინას შეასკდა. მიუხედავად ამისა მან მაინც არ ისურვა საავადმყოფოში შესამოწმებლად გადაყვანა. საავადმყოფოში გადასვლაზე უარი განაცხადა მძღოლმაც.
ავტოსაგზაო შემთხვევის გამო, გამომდინარე იქიდან რომ ლიანდაგებზე მიმოფანტული იყო მანქანის ნაწილები, კერძოდ: საბურავები, დისკები და ა.შ. ტრამვაის ხაზზე გადაადგილება ამ დრომდე შეჩერებულია.
