როდესაც ცეცხლი დავინახე ვიფიქრე რომ ყველა დავიწვებოდით – აცხადებს ერთ-ერთი თვითმხილველი

როდესაც ცეცხლი დავინახე ვიფიქრე რომ ყველა დავიწვებოდით – აცხადებს ერთ-ერთი თვითმხილველი

კვირას ღამით ათენის ცენტრალურ უბანში მდებარე ცნობილ ბარში გაჩენილი ხანძრის შედეგად 6 ადამიანი დაშავდა.

სოც. მედიაში გავრცელებულ ვიდეოში ჩანს, რომ ცეცხლი ტორტიდან საშობაო დეკორაციას მოეკიდა, ხოლო ცეცხლმოკიდებული ბურთი ბარში მყოფ ახალგაზრდებს თავზე დაეცა. მალევე ხანძარი საშობაო ნათურებსაც მოედო, რამაც აფეთქება და ცეცხლის დიდ ტერიტორიაზე მოდება გამოიწვია, რის შედეგადაც ბარის შუშაბანდი ჩამოიმსხვრა. 

იმ საზარელ ღამეს ბარში მყოფი ერთ-ერთი ახალგაზრდა იხსენებს: “გამომდინარე იქიდან რომ ზედახორა იყო ბარში და ერთმანეთზე მიკრულები ვიყავით ბარის თანამშრომელი იძულებული გახდა ტორტის დაზიანების თავიდან ასარიდებლად ტორტი ჰაერში აეწია. სწორედ ამ დროს გადაეკიდა ცეცხლი შუშხუნებიდან საახალწლო დეკორაციას. როგორც კი ცეცხლი დავინახე ჩემი მეგობრის საპოვნელად გავტრიალდი და შემობრუნებისას უკვე დავინახე, რომ მთელი ჭერი იწვოდა. ვხედავდი როგორ ეცემოდა ცეცხლის ნაპერწკლები ბარში მყოფ ახალგაზრდებს. ერთ გოგოს თმაზე მოეკიდა. საევაკუაციო გასასვლელში საგიჟეთი ხდებოდა.. ქაოსი.. ფანჯრები ჩაამსხვრიეს.. ერთი გოგო დაეცა და ზედ გადაუარეს.. სულ დაასისხლიანეს.. როდესაც დავინახე, რომ ცეცხლი უკონტროლოდ ედებოდა ბარს ვიფიქრე რომ ერთად ამოვიწვებოდით ყველა შენობაში. ბარის თანამშრომლის ბრალი არ არის რომ ხანძარი გაჩნდა, რაც უთხრეს მისმა უფროსებმა ის გააკეთა.”

შეგახსენებთ, რომ მიმტანის წინააღმდეგ, რომელმაც ტორტი შეიტანა ბარში, სისხლის სამართლებრივი დევნა დაიწყო.