30 დეკემბერს ქართველი ელინისტები და ელინოფილები მარშს გამართავენ
30 დეკემბერს ქართველი ელინისტები და ელინოფილები მარშს გამართავენ
საქართველოში მიმდინარე მოვლენებთან დაკავშირებით საპროტესტო აქციები თითქმის 1 თვეა რაც მიმდინარეობს. დემონსტრანტებს ქართველი ელინისტები და ელინოფილებიც უერთდებიან, რომელთა მარშიც 30 დეკემბერს, 19:00 საათზე თბილისის სახელმწიფო უნივერსიტეტის I კორპუსიდან პარლამენტისკენ დაიძვრება.
“ჩვენ, ქართველი ელინისტები და ელინოფილები, ვუერთდებით საყოველთაო პროტესტს – მოვითხოვთ ხელახალ არჩევნებს და უკანონოდ დაპატიმრებული მოქალაქეების უპირობოდ გათავისუფლებას. კარგად ვიცით, რას ნიშნავს ევროპული ღირებულებები, დემოკრატია და გამოხატვის თავისუფლება. ერთგულნი ვართ ქართულ-ბერძნული მრავალსაუკუნოვანი ურთიერთობებისა, რომლებსაც საერთო ევროპული ცივილიზაციის სათავეებთან მივყავართ და არ დავუშვებთ ევროპული ოჯახისგან ჩვენი ქვეყნის კიდევ ერთხელ მოწყვეტას!” – აცხადებენ მარშის ორგანიზატორები.
