როგორ გავუმკლავდეთ მაღალ წნევას
როგორ გავუმკლავდეთ მაღალ წნევას
მაღალი წნევის მატარებლებმა აუცილებელია დიაგნოზისთვის და საჭირო მკურნალობის დასანიშნად მიმართონ ექიმს და არამც და არამც არ დაიწყონ თვითმკურნალობა. გარდა ამისა, ადამიანმა, რომელსაც წნევა აწუხებს, სისტემატურად უნდა აკონტროლოს იგი. ამისთვის ან თავად, ან მისი ოჯახის რომელიმე წევრმა წნევის გაზომვა უნდა ისწავლონ.
არასგზით არ შეიძლება ექიმის მიერ დანიშნული მკურნალობის თვითნებური შეწყვეტა. თუ თერაპია ეფექტური არ აღმოჩნდა, ეს იმას არ ნიშნავს, რომ წამლის მიღებაზე უარი ვთქვათ. ასეთ შემთხვევაში მკურნალი ექიმი მედიკამენტის დოზას შეგიცვლით ან ახალ წამალს დაგინიშნავთ.
ამჟამად არტერიული ჰიპერტენზიის მკურნალობა ხანგრძლივი პროცესია, რომელიც ხშირად მთელი სიცოცხლეც კი გრძელდება, თუმცა მედიცინა ისეთი ტემპით ვითარდება, გამორიცხული არ არის, მალე ეს პრობლემაც მოგვარდეს.
