პანეპისტიმიუ: ავტომანქანა ფეხით მოსიარულეს შეეჯახა
პანეპისტიმიუ: ავტომანქანა ფეხით მოსიარულეს შეეჯახა
სამშაბათს ღამით, ათენის ცენტრში, მაღალი სიჩქარით მიმავალი ავტომანქანა ფეხით მოსიარულეს დაეჯახა.
protohema.gr-ის მიერ გავრცელებული ინფორმაციის თანახმად უბედური შემთხვევა პანეპისტიმიუს ქუჩაზე მოხდა. ფეხით მოსიარულე გზის გადაკვეთას ცდილობდა, როცა მაღალი სიჩქარით მიმავალი ავტომანქანა დაეჯახა. ავტომანქანის მძღოლმა შეჯახების შემდეგ გზა განაგრძო და დაშავებული უმწეო მდგომარეობაში მიატოვა ქუჩაში.
სამართალდამცავი ორგანოების ხელთ არსებული ინფორმაციის თანახმად ავტომანქანის მძღოლი 25 წლის ასაკის უცხო ქვეყნის მოქალაქეა. ძლიერი შეჯახების შემდეგ 42 წლის დაშავებული ჰაერში ავარდა და ასფალტზე დაენარცხა, მძღოლი კი ომონიას მოედნის მიმართულებით გაემართა.
გავრცელებული ინფორმაციის თანახმად მძღოლი, რომელიც მიმალვას ცდილობდა პატისიონისა და კაპოდისტრიუს ქუჩების კვეთაზე მოტოციკლეტს შეეჯახა, შეჯახებისას მოტოციკლეტის 45 წლის მგზავრიც დაშავდა, ხოლო ავტომანქანა კი ადგილიდან გაუჩინარდა.
