როგორ მოვამზადოთ გემრიელი პასკა

როგორ მოვამზადოთ გემრიელი პასკა

დაგჭირდებათ:

• 5 კვერცხი
• 600 გ. შაქარი
• 1,5 კგ. ფქვილი
• 3 ს.კ. საფუარი
• 500 მლ. რძე
• 125 მლ. გამდნარი კარაქი
• 125 მლ. გამდნარი მარგარინი
• 1/2 ჩ.კ. ილი
• 1/2 ჩ.კ. ჯავზი
• 1/4 ჩ.კ. დარიჩინი
• 1/4 ჩ.კ. მიხაკი
• 1 ს.კ. კონიაკი ან არაყი
• 1/2 ლიმონის ცედრა
• 1/2 ჩ.ჭ. ზეთი
• 1 შეკვრა ვანილინი
• 150 გ. ცუკატები და ქიშმიში (ერთად)

მომზადება:

• იმისათვის რომ პასკის ცომი და შესაბამისად პასკა კარგი გამოგივიდეთ, ოთახი დაათბეთ, დილითვე გაამზადეთ ინგრედიენტები, რომ ოთახის ტემპერატურა მიიღოს. სანელებლები პატარა ჭიქაში მოათავსეთ და კონიაკი/არაყი დაასხით.
• ცომის მოსამზადებლად 250 მლ. თბილ რძეში (რომელიც ხელს ოდნავ წვავს) გახსენით საფუარი, დაუმატეთ 1 ს.კ. შაქარი, გადააკარით სამზარეულოს ცელოფანი და დადგით თბილ ადგილას ასაფუებლად.
• კვერცხის გულები და ცილა გააცალკევეთ. ცილა ათქვიფეთ, ღრუბლისებრ მასას რომ მიიღებთ ნელ-ნელა შეათქვიფეთ 5 ს.კ. შაქარი. მიიღებთ მყარ ბეზეს. კვერცხის გულებისა და დარჩენილი შაქრისგან მოამზადეთ გოგლიმოგლი. მას ფრთხილად შეურიეთ ბეზე.
• დარჩენილი 250 მლ. რძე აადუღეთ, მას დაუმატეთ გამდნარი კარაქი, მარგარინი და ზეთის ნახევარი.
• ფქვილი დიდ ჯამში გაცერით, დაუმატეთ საფუვრიანი, რძიანი და კვერცხიანი მასა. მოზილეთ ცომი. ბოლოს შეაზილეთ ზეთის მეორე ნახევარი. ცომი შეფუთეთ და დადგით თბილ ადგილას ასაფუებლად 6 საათით.
• ცომი გაორმაგდება, შემდეგ დაუმატეთ სანელებლები, ვანილი, ლიმონის ცედრა და ცუკატები (ცუკატებს ცომში დამატებამდე 1 ს.კ. ფქვილი დაუმატეთ, რომ თანაბრად განაწილდეს ცომში). კიდევ გადაზილეთ და საცხობ ფორმებში გაანაწილეთ ( მე ქაღალდის ფორმებში გამოვაცხე, ამიტომ ფორმებისთვის ცხიმი არ წამისვამს) ფორმებშიც ააფუეთ, დაახლოებით 5-6 საათი.
• შემდეგ კი 150 გრადუსზე გამოაცხეთ. დასჭირდება 45-60 წუთი. პასკის ზომას გააჩნია. შეამოწმეთ ხის წკირით, თუ მშრალი ამოვა მზადაა.
• შაქრის მინანქრისთვის 1 კვერცხის ცილა 1 ჩ.ჭ. შაქრის პუდრასთან ერთად ათქვიფეთ და გაციებული პასკები მორთეთ.