სანტორინი: ორმა ქალმა კუნძულზე მაშინ იმშობიარა, როცა სეისმური ბიძგებისგან მიწა იძვროდა
სანტორინი: ორმა ქალმა კუნძულზე მაშინ იმშობიარა, როცა სეისმური ბიძგებისგან მიწა იძვროდა
ბედნიერების ზღვაში არიან ჩაძირულები მშობლები, რომლებმაც გადალახეს შიში, არ დატოვეს კუნძული სეისმური აქტივობის გამო და ამ ქვეყანას ორი პატარა, გოგონა და ბიჭი მოავლინეს.
“ძლიერი გოგო გაიზრდება, რადგან საერთოდ არ შეაშინა მიწისძვრამ.” – აცხადებს მარინა ცერიკუ, ახალშობილი გოგონას დედა.
მარინამ ტელემაუწყებელ Star-თან საუბრისას აღწერა კუნძულის ყოველდღიურობა და გაიხსენა მშობიარობის მომენტი: “მშობიარობისას კუნძულზე 4,7 ბალიანი მიწისძვრა იყო, თუმცა ისეთი ტკივილები მქონდა, რომ არაფერი მაინტერესებდა. ძალიან შერეული გრძნობები მქონდა, რადგან სწორედ იმ მომენტში ამ ქვეყნად ახალ სიცოცხლეს ვავლენდი და სხვა დანარჩენი ამასთან შედარებით უფერულად და უმნიშვნელოდ მეჩვენებოდა. არც იცი რაზე უნდა მოახდინო კონცენტრაცია ესეთ დროს. უნდა გიხაროდეს და აღელვებული იყო შენი პატარას დანახვით, თუ უნდა გეშინოდეს იმ შემზარავი ბიძგების, რომლებიც კუნძულის მოსახლეობას უკვე ამდენი ხანია მოსვენებას უკარგავენ.”
თუმცა მარინა არ ყოფილა ერთადერთი დედა, რომელმაც კუნძულზე დარჩენა გადაწყვიტა. გუშინ ღამით იულიეტამაც მისი მესამე შვილი მოავლინა ამ ქვეყანას.
“კუნძულზე დარჩენა გადავწყვიტეთ. ექიმს ვესაუბრე რათქმაუნდა, რადგან მეშინოდა, მაგრამ ბოლოს ვიფიქრე, რომ ღვთის წყალობით ყველაფერი კარგად ჩაივლიდა. მართლაც ყველაფერმა არაჩვეულებრივად ჩაიარა და დაიბადა ჩემი ჯანმრთელი ბიჭუნა.”
