ავტოსაგზაო შემთხვევამ 27 წლის ბიჭის სიცოცხლე იმსხვერპლა

ავტოსაგზაო შემთხვევამ 27 წლის ბიჭის სიცოცხლე იმსხვერპლა

ტრაგიკულად დაასრულა სიცოცხლე ახალგაზრდამ ოთხშაბათს, 12 თებერვლას ღამით. 

nafpaktianews.gr-ის მიერ გავრცელებული ინფორმაციის თანახმად ავტომანქანა, რომელსაც 27 წლის ბიჭი მართავდა, გამოძიებისთვის ამ დრომდე დაუდგენელ მიზეზთა გამო, გზიდან გადავარდა და გზის დამცავ ცემენტის ჯებირებს შეეჯახა. მანქანის ორივე მგზავრი 26 და 27 წლის ახალგაზრდები შეჯახების შედეგად ავტომანქანიდან გადმოვარდნენ და ასფალტზე დაცემისას მძიმედ დაშავდნენ. 

შემთხვევის ადგილზე დაუყოვნებლივ გამოცხადდა სახანძრო სამსახური, საგზაო პოლიცია და სასწრაფო დახმარების ბრიგადა, რომელმაც დაშავებულები საავადმყოფოში გადაიყვანა. ექიმებმა სამწუხაროდ 27 წლის ბიჭის სიცოცხლის გადარჩენა ვერ შეძლეს, ხოლო 26 წლის ბიჭი კი ამ დრომდე ინტენსიური თერაპიის განყოფილებაში რჩება. ექიმები აცხადებენ, რომ მისი მდგომარეობა კრიტიკულია.