რა არის ანევრიზმა და რა შემთხვევაში უნდა მივმართოთ ექიმს

რა არის ანევრიზმა და რა შემთხვევაში უნდა მივმართოთ ექიმს

როდესაც ანევრიზმაზე ვსაუბრობთ საქმე თავის ტვინის მკვებავ არტერიებს ეხება – ვისაუბრებთ პროცესზე, რომელიც თავის ტვინის სისხლის მიმოქცევის სისტემაში მიმდინარეობს.

დაავადება უმეტესად უსიმპტომოდ მიმდინარეობს, რადგან გამობერილობა მცირე ზომისაა და სისხლძარღვის მთლიანობას არ არღვევს. სიმპტომებმა შესაძლოა თავი იჩინოს ანევრიზმის ზრდის დროს, ტვინის ქსოვილსა და ნერვებზე ზეწოლის გამო.
ეს სიმპტომებია:

• ტკივილი თვალის არეში;
• გუგის გაფართოება;
• ნახევარი სახის დაბუჟება;
• მეტყველების გაძნელება;
• თავის ტკივილი;
• კოორდინაციის დარღვევა;
• კონცენტრაციის მოშლა.

ანევრიზმის გახეთქვას ავლენს:

• უეცარი, ძალიან ძლიერი თავის ტკივილი, რომელსაც პაციენტი აღწერს როგორც ყველაზე ძლიერს, რაც კი ოდესმე უგრძნია;
• გულისრევა, ღებინება;
• კისრის დაჭიმულობა;
• მხედველობის დაბინდვა ან გაორება;
• სინათლისადმი მგრძნობელობის მომატება;
• გულყრა;
• თვალის ქუთუთოს პტოზი (დაწევა)
• გონების დაკარგვა;
• გონების დაბინდვა;

უეცარი ძლიერი თავის ტკივილის შემთხვევაში დაუყოვნებლივ მიმართეთ ექიმს.
არ დატოვოთ უყურადღებოდ გონების დაკარგვის`გულყრის ეპიზოდი და ზემოთ ჩამოთვლილი სიმპტომები – დროული რეაგირება სიცოცხლისთვის საშიშ მდგომარეობას თავიდან აგაცილებთ.