Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

საბერძნეთის პოლიცია აწარმოებს გამოძიებას კარდიოქირურგის წინააღმდეგ, რომელსაც 15 არასრულწლოვანი პაციენტის გარდაცვალებაში ედება ბრალი

პოლიციის დაკვირვების ქვეშ იმყოფება ბერძენი კარდიოქირურგი, რომელსაც მის მიერ ჩატარებული ოპერაციების დროს გარდაცვლილი 15 არასრულწლოვანის სიკვდილში ედება ბრალი, ხოლო  გარდაცვლილი პაციენტების მშობლები და ოჯახის წევრები  მას როგორც ცრუ მესიას მოიხსენიებენ.

ბრალდებული   ქირურგი ოპერაციებს ორ საავადმყოფოში ატარებდა, რომელთაგან ერთი კერძოა.

ეს არის შემთხვევა რომელიც, თუ დადასტურდება, ჯანდაცვის სექტორში სერიოზულ რყევებს გამოიწვევს, რადგან საბერძნეთის პოლიციის თანამშრომლები განსაკუთრებული ყურადღებით იძიებენ ბოლო წლებში გულის პრობლემებით გარდაცვლილი 15 ბავშვის მშობლების საჩივრებს.

მშობლები მათი შვილების სიკვდილში პირდაპირ ადანაშაულებენ კარდიოქირურგს, რომელმაც მათ შვილებს გულის  ოპერაცია გაუკეთა და რომელიც ამჟამად  აქტიურ პრაქტიკას ჩამოშორებულია.

აღნიშნული საქმით  ჯანდაცვის სამინისტროც იყო დაინტერესებული, თუმცა გაურკვეველი მიზეზებით  2023 წლის დასაწყისში რატომღაც ყურადღების მიღმა დატოვეს.

აღელვებული მშობლები პოლიციასა და სასამართლოსადმი წარდგენილ  წერილში აცხადებენ, რომ ამ კლინიკებში  ჩატარებული დაახლოებით 70 ქირურგიული ჩარევის შედეგად ბავშვების 20% გარდაიცვალა და კიდევ ბევრი ოპერაციის შემდეგ გონს ვერ მოვიდა და კომატოზურ  მდგომარეობაში იმყოფებიან.

ბოლო პერიოდში ექიმების, კერძო პირების,  გარდაცვლილი ბავშვების ნათესავების და სხვათა ჩვენებები გადაეცა საბერძნეთის პოლიციის სამსახურს კონკრეტული საქმის ასპექტების გამოსაძიებლად, ხოლო ცენტრალური სახელმწიფო და სამთავრობო უწყებები ინფორმირებულნი არიან საქმეში არსებული  დეტალების შესახებ.

ამ საპოლიციო და სასამართლო გამოძიების საფუძველი იყო წერილობითი საჩივარი, რომელიც გაგზავნილი იქნა გულ-სისხლძარღვთა ბავშვთა ასოციაციებისთვის 2021 წელს.

ამ წერილში წარმოდგენილი იყო მკაფიო ცნობები და ბრალდებები ექიმის არასწორი ქმედების გამო 15 ბავშვის გაუმართლებელი სიკვდილის შესახებ, მაშინ როცა გამოცდილი კარდიოქირურგები აცხადებენ, რომ მსგავსი შემთხვევების სამედიცინო მენეჯმენტისთვის ასეთი ოპერაციების დასაშვები სიკვდილიანობა ევროპაში 2%-4%-ს შეადგენს.

როგორც მშობლები აცხადებენ ამ კლინიკებში მათ შვილებზე ფაქტიურად ექსპერიმენტული ოპერაციები ტარდებოდა, ხოლო  ლეტალური შედეგების მიზეზად კი ქირურგი აპარატურის გაუმართაობას , არაკვალიფიციურ დამხმარე პერსონალს, ზოგჯერ კი არასწორად შერჩეულ მედიკამენტებს ასახელებდა.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *