16 აპრილს სინდაგმაზე საპროტესტო აქციაა დაგეგმილი
16 აპრილს სინდაგმაზე საპროტესტო აქციაა დაგეგმილი
საპროტესტო მშვიდობიანი აქცია გაიმართება ხვალ, 16 აპრილს საღამოს სინდაგმაზე. აქციის მთავარი მოთხოვნა ცხვრისა და თხის ხორცის გადაჭარბებული რაოდენობით მოხმარების შეწყვეტაა სააღდგომო პერიოდში.
აქციას ორგანიზებას არასამთავრობო ორგანიზაცია Vegan Life უწევს. “ხოცვა-ჟლეტვა სიყვარული არ არის” – არის აქციის მთავარი ლოზუნგი. აქციის მონაწილეები ქალაქის ცენტრში 18:30 საათზე შეიკრიბებიან.
“Vegan Life არის არასამთავრობო ორგანიზაცია, რომელიც საბერძნეთში 2006 წლიდან ფუნქციონირებს. უკვე მეოთხედ იმართება მსგავსი ტიპის საპროტესტო აქცია, რათა დავიცვათ ცხვრებისა და თხების უფლებები. 2 მილიონზე მეტ ცხოველს სააღდგომოდ ჩეხავენ და ყიდიან. ჩვენ კი გვსურს ხალხს მოვუწოდოთ გამონახონ გზა გაატარონ ერთად დღესასწაული ისე, რომ ცხოველებს არ ატკინონ.” – აცხადებს ორგანიზაციის წარმომადგენელი ელენი სტურნა.
