ლარისა: ავტოსაგზაო შემთხვევამ ახალგაზრდა ქალის სიცოცხლე იმსხვერპლა
ლარისა: ავტოსაგზაო შემთხვევამ ახალგაზრდა ქალის სიცოცხლე იმსხვერპლა
ტრაგიკულად დაასრულა დღეს დილით სიცოცხლე ახალგაზრდა ქალმა ლარისა-ტრიკალონის ეროვნულ გზატკეცილზე.
onlarissa.gr-ის მიერ გავრცელებული ინფორმაციის თანახმად უბედური შემთხვევა დილის 10:00 საათზე ავეროფიუს სამიწათმოქმედო უნივერსიტეტთან მოხდა. ახალგაზრდა ქალი Opel Corsa-ს მოდელის ავტომანქანას მართავდა, როცა გამოძიებისთვის ამ დრომდე დაუდგენელ მიზეზთა გამო გზიდან გადავიდა და ელ.ბოძს შეეჯახა.
შემთხვევის ადგილზე დაუყოვნებლივ გამოცხადდა სახანძრო/სამაშველო სამსახური ქალის ავტომანქანიდან გადმოსაყვანად და სასწრაფო დახმარების ბრიგადა, რომელმაც დაშავებული ლარისას გენერალურ საავადმყოფოში გადაიყვანა.
თუმცა ექიმების თავდაუზოგავი მცდელობებისდა მიუხედავად დაშავებულის გადარჩენა ვერ შეძლეს.
Facebook Comments Box
