მექსიკაში ადამიანის ნაშთებით სავსე დაახლოებით 45 ტომარა აღმოაჩინეს
დასავლეთ მექსიკის შტატ ხალისკოში, 40 მეტრიანი ხევის ძირში აღმოაჩინეს ადამიანის ნაშთებით სავსე დაახლოებით 45 ტომარა იმ დროს, როდესაც დაკარგულ შვიდ ახალგაზრდა მამაკაცსა და ქალს ეძებდნენ.
“ორმოცდახუთი ტომარა ადამიანის ნაშთები, რომლებიც ეკუთვნოდა როგორც მამაკაცებს, ასევე ქალებს”, – ნათქვამია სახელმწიფო პროკურატურის პრესრელიზში.
ადგილობრივი პოლიცია 20 მაისის მდგომარეობით ეძებდა უკვალოდ დაკარგულ ორ ქალს და ხუთ მამაკაცს, ყველა მათგანი დაახლოებით ოცდაათ წლამდე .
განცხადებები მათი გაუჩინარების შესახებ პოლიციაში წარდგენილი იყო ცალ-ცალკე და სხვადასხვა თარიღით, მაგრამ ხელისუფლებამ ძიების პროცესში აღმოაჩინა, რომ ყველა დაკარგული პირი მუშაობდა ერთსა და იმავე ქოლ ცენტრში.
ადგილი, სადაც გაუჩინარებულები მუშაობდნენ, არც თუ ისე შორს არის იმ ადგილიდან, სადაც ადამიანის ნაშთები იპოვეს.
გამოძიების პირველადი მონაცემებით, ქოლ ცენტრი უკანონო საქმიანობას ეწეოდა. თუმცა, ამ ფაქტს კატეგორიულად უარყოფენ გაუჩინარებულთა ახლობლები და ადანაშაულებენ ადგილობრივ ხელისუფლებას გარდაცვლილთა დამნაშავეებად წარმოჩენის ფაქტზე, რათა ამ ფორმით გადაფარონ ქვეყანაში შექმნილი მძიმე კრიმინოგენული ვითარება, კერძოდ კი, ბოლო წლებში ხალიკოს შტატის სხვადასხვა რაიონში ტომრებში ან საიდუმლო საფლავებში ასევე იპოვეს ადამიანის ნაშთები, 2021 წელს კი გვადალახარას მახლობლად, ტონალაში აღმოაჩინეს დაახლოებით 70 ტომარა , რომელშიც თერთმეტი ადამიანის ნეშტი იყო .
მექსიკაში ბოლო წლებში დაფიქსირებულია 340 000-ზე მეტი მკვლელობა და დაახლოებით 100 000 უკვალოდ გაუჩინარება, რასაც ხელისუფლება ერთსა და იმავე დანაშაულებრივ ჯგუფს მიაწერს, მას შემდეგ რაც დაიწყო ეგრეთ წოდებული „ნარკოტიკების წინააღმდეგ ომი“, ხელისუფლების ფართომასშტაბიანი ოპერაცია ნარკოკარტელების წინააღმდეგ, სახელმწიფოს სამხედრო ძალების მონაწილეობით.
