კრეტა: 19 წლის ქვეითს ავტომანქანა დაეჯახა
კრეტა: 19 წლის ქვეითს ავტომანქანა დაეჯახა
ტრაგიკულად დაასრულა სიცოცხლე 19 წლის გოგონამ, რომელიც შუაღამისას კუნძული კრეტას ჩრდილო გზატკეცილის – ΒΟΑΚ გადაკვეთას ცდილობდა კუტულუფარიში, ხერსონისოს მუნიციპალიტეტში.
გავრცელებული ინფორმაციის თანახმად გოგონას ავტომანქანა შეეჯახა, რომელსაც 21 წლის ბიჭი მართავდა.
cretalive.gr-ის მიერ გავრცელებული ინფორმაციის თანახმად ახალგაზრდა ავტომანქანით აღიოს ნიკოლაოსისკენ მიემართებოდა კანონით გათვალისწინებული სიჩქარით, როცა გოგონამ გზის გადაკვეთა სცადა. მძღოლმა სიბნელეში ვერ მოასწრო გოგონას დროულად დანახვა და შესაბამისად ვერ შეძლო ავტოსაგზაო შემთხვევის თავიდან არიდება.
შემთხვევის ადგილზე გამოიძახეს სასწრაფო დახმარების ბრიგადა, თუმცა დაშავებულისთვის უკვე ყოველგვარი სამედიცინო დახმარების აღმოჩენა დაგვიანებული იყო.
პოლიციამ დააკავა 21 წლის მძღოლი.
