ავტომანქანა საფოსტო ოფისში შევარდა – მძღოლი მანქანას ნასვამ მდგომარეობაშ მართავდა

ავტომანქანა საფოსტო ოფისში შევარდა – მძღოლი მანქანას ნასვამ მდგომარეობაშ მართავდა

ავტოსაგზაო შემთხვევა დაფიქსირდა კიფისიას გამზირზე 16 ოქტომბერს გამთენიისას.

ავტომანქანა, რომელსაც 21 წლის მძღოლი მართავდა, გამთენიის 04:00 საათზე ათენისკენ მიმავალ ნაკადში გზის სავალი ნაწილიდან გადავიდა და ΕΛΤΑ Courier-ის საფოსტო ოფისის შესასვლელს შეეჯახა.

შეჯახების შედეგად ფოსტის შენობის მინები სრულიად ჩამოიმსხვრა.

ვიდეომასალაში, რომელსაც protothema.gr-ი ავრცელებს ნათლად ჩანს, თუ როგორ ეჯახება წითელი მანქანა უკუსვლით საფოსტო ოფისის ვიტრინას.

ავტომანქანა მაღალი სიჩქარით გადაადგილდებოდა. შემოწმების შემდეგ კი დადგინდა, რომ მძღოლი დიდი ოდენობით ალკოჰოლის ზეგავლენის ქვეშ იმყოფებოდა.

საფოსტო ოფისის დირექტორის განცხადების თანახმად ბოლო 3 წლის განმავლობაში ეს უკვე მე-5 შემთხვევაა, როცა ავტომანქანა ოფისს ეჯახება.