Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიდღესასწაულები

ბრძოლა დემოკრატიისთვის, ტანკებს შეწირული არაერთი სიცოცხლე და სტუდენტების გამარჯვება – რას აღნიშნავს 17 ნოემბერს საბერძნეთი

ბრძოლა დემოკრატიისთვის, ტანკებს შეწირული არაერთი სიცოცხლე და სტუდენტების გამარჯვება – რას აღნიშნავს 17 ნოემბერს საბერძნეთი

დღევანდელი დღე სრულიად საბერძნეთისთვის დიქტატორიის დამხობასა და დემოკრატიის გამარჯვებას უკავშირდება.

1967-1974 წლებში საბერძნეთის ხელისუფლებაში სამხედრო დიქტატორია მოვიდა, რომელსაც სათავეში დიმიტრიოს იოანიდისი და ღეორღიოს პაპადოპულოსი ედგნენ. ისინი ხელისუფლებაში მოვიდნენ გადატრიალების გზით და ერთ დღეში მთელს საბერძნეთს აკონტროლებდნენ. დააპატიმრეს მთელი მინისტრთა კაბინეტი. მათ წინააღმდეგობა ვერც საბერძნეთის მეფე კონსტანტინემ გაუწია და იძულებული გახდა პოლკოვნიკებთან ეთანამშრომლა.

ხუნტამ გააუქმა არჩევნები, დააწესა ცენზურა, დაშალა პოლიტიკური პარტიები და დააპატიმრა სამოქალაქო აქტივისტები.

დიქტატორის წინააღმდეგ ბრძოლის პირველ ხაზზე სტუდენტები გაიჭრნენ. 1973 წლის 14 ნოემბერს ათენის პოლიტექნიკური უნივერსიტეტის სტუდენტებმა ჩაკეტეს სასწავლო დაწესებულების მთავარი ჭიშკარი და უნივერსიტეტის თავისუფალი რადიოსადგურის მუშაობის დაწყების შესახებ გამოაცხადეს. 14-იდან 17 ნოემბრამდე უნივერსიტეტის მიმდებარე ტერიტორიაზე რამდენიმე შეტაკება მოხდა სტუდენტებსა და პოლიციას შორის.

17 ნოემბერს, გამთენიისას უნივერსიტეტის მთავარ შესასვლელთან, პატისიონის ქუჩაზე სამხედროები და რამდენიმე ტანკი გამოჩნდა. ერთ-ერთმა ტანკმა უნივერსიტეტის მთავარი ჭიშკარი შეანგრია, რის შემდეგაც სტუდენტებსა და პოლიციას შორის შეტაკება მოხდა. დაახლოებით ერთ საათში სასწავლო დაწესებულება ძალოვანმა სტრუქტურებმა მთლიანად დაიკავეს და რადიომაუწყებლობა შეწყვიტეს. აღნიშნული შეტაკების შედეგად დააკავეს უამრავი სტუდენტი და სამწუხაროდ ათობით მათგანი გარდაიცვალა.

სწორედ ეს ტრაგიკული დასასრული გახდა სრულიად მოსახლეობის გაერთიანებისა და ქუჩებში გამოსვლის მიზეზი, რის შედეგადაც 7 წლიანი დიქტატურა დასრულდა.

საბერძნეთში დიქტატორული რეჟიმი 1974 წელს დაემხო.

სწორედ ამ დღის შემდეგ ტექნიკური უნივერსიტეტის სტუდენტობა მუდმივად აღნიშნავს ამ ტრაგიკულ თარიღს საპროტესტო გამოსვლებით.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *