კერძები, რომლებიც აღდგომის სუფრის განუყოფელი ნაწილია
კერძები, რომლებიც აღდგომის სუფრის განუყოფელი ნაწილია
საბერძნეთის სუპერ მარკეტებში უკვე ამოქმედებულია პროგრამა სააღდგომო კალათი, რომელიც სადღესასწაულო სუფრისთვის ყველაზე მოთხოვნად პროდუქტებს შეიცავს, როგორიცაა ცხვრისა და თხის ხორცი, სააღდგომო შოკოლადის კვერცხები, სააღდგომო ფუნთუშა “ცურეკი” და ზემოთ ჩამოთვლილ პროდუქტებზე ფასების სტაბილურობის შენარჩუნებას ითვალისწინებს.
აღდგომისთვის სამზადისი დიდი მარხვის პირველი დღიდან იწყება.
დიდი მარხვის დასაწყისად ბერძნები სუფთა ორშაბათს მიიჩნევენ, რომელიც აღდგომამდე შვიდი კვირით ადრე იწყება და გრძელდება ორმოცი დღის განმავლობაში.
არ უნდა დაგვავიწყდეს, რომ სააღდგომო სუფრის ერთ-ერთი ყველაზე მნიშვნელოვანი კერძი მაღირიცაა, ტრადიციული ბერძნული წვნიანი, რომელიც აღდგომის ღამეს, მარხვის დასრულების აღსანიშნავად მზადდება.
კერძის მთავარი ინგრედიენტი ბატკნის ღვიძლი, გული და ფილტვებია.
მაღირიცას მოსამზადებლად ბატკნის შიგნეულობის გარდა დაგჭირდებათ ხახვი, მწვანე ხახვი, კამა, სალათის ფურცლები, ბრინჯი, ზეითუნის ზეთი, კვერცხი და ლიმონი. შიგნეულობას ჯერ ხარშავენ, შემდეგ ბოსტნეულთან ერთად თუშავენ, ამატებენ წყალს, ბრინჯს და ბოლოს ასქელებენ ავგოლემონოს სოუსით.
უნდა აღინიშნოსმ რომ არსებობს სოკოს მაღირიცაც, რომელიც ვეგეტარიანული ვერსიაა.
