ელევთერიას ყოფილი პარტნიორი მუდმივ რეჟიმში უთვალთვალებდა – სამართალდამცავმა ორგანოებმა გარდაცვლილი ქალის მანქანაზე GPS-ის მოწყობილობა იპოვეს დამონტაჟებული
ელევთერიას ყოფილი პარტნიორი მუდმივ რეჟიმში უთვალთვალებდა – სამართალდამცავმა ორგანოებმა გარდაცვლილი ქალის მანქანაზე GPS-ის მოწყობილობა იპოვეს დამონტაჟებული
უწყვეტად მიმდინარეობს 43 წლის ელევთერიას მკვლელობის საქმის გამოძიება, რომლის ფარგლებში აღმოჩენილი მტკიცებულებებიც სამართალდამცავ ორგანოებს უღრმავებს ეჭვს, რომ ელევთერიას ყოფილმა პარტნიორმა მას თვითმკვლელობამდე ესროლა წმინდა პანდელეიმონას სამლოცველოში და შემდეგ გადაიტანა მისი ცხედარი აღია ვარვარას მიმდებარე ტერიტორიაზე.
პოლიციელებმა იპოვეს წერილიც, რომელიც თვითმკვლელობამდე ელევთერიას ყოფილმა პარტნიორმა თავის ძმას გაუგზავნა. წერილში კაცი საუბრობდა მის ცხოვრებაზე და ამბობდა, რომ სამჯერ სცადა თვითმკვლელობა. ასევე ცნობილი გახდა, რომ კაცმა ძმას სთხოვა წერილი მხოლოდ იმ შემთხვევაში გაეხსნა, თუ მისი გარდაცვალების ამბავს შეიტყობდა.
გამოძიების შედეგად დადგინდა, რომ 38 წლის კაცს დამაგრებული ჰქონდა GPS-ის მოწყობილობა ელევთერიას მანქანაზე, რათა თვალყური ედევნებინა მისი ყველა გადაადგილებისთვის. რაც კიდევ ერთხელ უსვამს ხაზს მის პათოლოგიურ ეჭვიანობას.
