რა ღირს ოცნების ასრულება – ინ ვიტრო განაყოფიერების ახალი რეალობა საბერძნეთში
რა ღირს ოცნების ასრულება – ინ ვიტრო განაყოფიერების ახალი რეალობა საბერძნეთში
ინ ვიტრო განაყოფიერება (ე.წ. ხელოვნური განაყოფიერება) უშვილობის მკურნალობის დამხმარე რეპროდუქციული ტექნოლოგიაა, რომელიც ქალისა და მამაკაცის სასქესო უჯრედების ორგანიზმის გარეთ შერწყმას გულისხმობს. შედეგად, მიღებული ემბრიონის ქალის საშვილოსნოში გადატანა ხდება.
ბოლო წლებში, ცნობილი ბერძენი ქალების გაბედულმა გადაწყვეტილებამ, ღიად ესაუბრათ დედობისკენ მიმავალ საკუთარ გზაზე, რომელიც სავსე იყო ტანჯვითა და იმედგაცრუებით, ეს ჩუმი პროცესი სიბნელიდან გამოიყვანა და უზარმაზარი ტაბუ დაარღვია.
თანამედროვე ხელოვნური განაყოფიერება წარსულის მტკივნეულ პროცედურებს არაფრით ჰგავს. ამჟამად, სამედიცინო და სამეცნიერო გამოწვევა არა მხოლოდ ორსულობის მიღწევაა, არამედ მისი პირველივე ცდაზე განხორციელებაა.
რეპროდუქციის ექსპერტებმა კარგად იციან, რომ განმეორებითი, წარუმატებელი ციკლები არა მხოლოდ ორგანიზმის გამოფიტვას იწვევს, არამედ ფსიქოლოგიური და – უპირველეს ყოვლისა – ფინანსური ცვეთის აუტანელ მორევსაც ქმნის.
საბერძნეთი ამაყობს, და სამართლიანადაც, რომ სამედიცინო ტურიზმის გლობალური სტანდარტია, რადგან ხარჯები საზღვარგარეთ არსებული ფასების 1/3 ან თუნდაც 1/4-ს შეადგენს და საშუალოდ 3000-დან 3500 ევრომდე მერყეობს. მაგრამ არის თუ არა ეს თანხა „ხელმისაწვდომი“ საშუალო ბერძნული ოჯახისთვის?
როდესაც ქვეყანაში საშუალო ხელფასი სუპერმარკეტების ფასებსა და წარმოუდგენელ ქირასაც კი ვერ ფარავს, ინ ვიტრო განაყოფიერების ციკლი „იაფად” ნამდვილად არ ითვლება, რადგან ის თითქმის სამ ხელფასს უტოლდება.
